Žiri je rekao svoje. Naše sugrađanke Andrea i Dragana pobijedile su u trećoj emisiji Luk ili med i zadržale se na prvom mjestu koje ih direktno vodi u naredni krug takmičenja.
Tema treće emisije bila je meksička kuhinja. Žiri je ostao iznenađen odabirom namirnica, a tek izborom jela koja će ekipe pripremati.
Za meksičke ćufte mi još nismo čuli, ali su zato Stefan i Nikola eksperti za pripremu tog jela. Njih dvojica su u drugoj emisiji imali savršen nastup, sve što je traženo oni su dobro pročitali, nažalost sinoć su podbacili.
Stefan i Ermin pripremali su piletinu, napravili fino i ukusno jelo, ali su promašili temu.
Jedino su Dragana i Andrea odabrale da pripremaju tortilje što se ispostavilo kao pun pogodak. Na samo jelo žiri je imao određene zamjerke, ali su spretnost, iskustvo i oragnizovanost u kuhinji djevojkama donijele dovoljno dobre ocjene da zadrže vođstvo i sa 68 bodova prođu diretktno u naredni krug takmičenja.
Već u ponedjeljak od 21 čas očekuju nas nova tri para koja će se predstaviti jelima koja najbolje pripremaju.
Pratite Luk ili med i navijajte za svoje favorite, ili favoritkinje!
